Çmimet e benzinës në Shtetet e Bashkuara të Amerikës janë rritur ndjeshëm, duke arritur nivelin më të lartë që nga gushti 2024.
Sipas të dhënave të American Automobile Association, çmimi mesatar ka arritur në 3.41 dollarë për galon, me një rritje prej 43 centësh brenda vetëm një jave.
Kjo përbën rritjen më të madhe javore që nga marsi i vitit 2022, kur tregjet globale u tronditën pas Pushtimi rus i Ukrainës.
Shtrenjtimi aktual lidhet kryesisht me përshkallëzimin e konfliktit në Iran dhe me bllokimin praktik të Ngushticës së Hormuzit, përmes së cilës kalon rreth 20% e furnizimit global me naftë.
Situata është përkeqësuar edhe nga sulmet iraniane ndaj objekteve energjetike në vende si Arabia Saudite, Emiratet e Bashkuara Arabe dhe Katari.
Vetëm të martën u shënua një rritje prej 11.2 centësh për galon, më e madhja në një ditë që nga Hurricane Katrina në vitin 2005.
