Çmimet e naftës në tregjet ndërkombëtare ranë të martën pasi presidenti amerikan Donald Trump paralajmëroi Iran të mos bllokojë Ngushticën e Hormuzit, një nga rrugët më të rëndësishme për transportin global të energjisë.
Trump deklaroi se çdo përpjekje për të ndalur rrjedhën e naftës në këtë korridor do të përballej me një reagim shumë më të fortë nga Shtetet e Bashkuara të Amerikës.
Pas këtyre deklaratave, çmimi i naftës Brent ra me 6.5% në 92.46 dollarë për fuçi, ndërsa Nymex Light Sweet Crude Oil u ul me 7% në 88.15 dollarë.
Një ditë më parë, çmimet kishin arritur pothuajse 120 dollarë për fuçi nga frika se konflikti mes SHBA-Izrael dhe Iranit mund të ndërpriste furnizimet nga Lindja e Mesme.
Trump sugjeroi se përplasja mund të jetë afatshkurtër, duke ulur shqetësimet e tregjeve për një krizë të zgjatur energjetike.
Ndërkohë, bursat aziatike reaguan pozitivisht: Nikkei 225 u rrit me 2.7%, Hang Seng me 2% dhe KOSPI me 5.5%.
Ngushtica e Hormuzit mbetet një pikë kyçe për tregun global, pasi rreth 20% e naftës së botës kalon përmes kësaj rruge detare.
