Drejtoria e Përgjithshme e Shërbimeve të Transportit Rrugor njofton se automjetet e regjistruara gjatë vitit 2025 vijnë kryesisht nga vendet më të fuqishme prodhuese në botë, me Republikën e Koresë që kryeson tregun me 21.4%, e ndjekur nga Gjermania dhe Italia.
Kina, Zvicra dhe Shtetet e Bashkuara zënë gjithashtu një peshë të konsiderueshme, duke reflektuar diversifikimin e tregut shqiptar të automjeteve.
Ky zhvillim tregon një treg në rritje dhe pasqyron ndryshimin e preferencave dhe nevojave të konsumatorëve shqiptarë.
Paralelisht, vihet re një orientim i qartë drejt automjeteve miqësore me mjedisin, me flotën e mjeteve që po bëhet gjithnjë e më “green”.
Gjatë vitit 2025 u regjistruan mbi 6,100 automjete plotësisht elektrike, gati dyfish më shumë se në vitin 2024.
Sipas DPSHTRR, 44.4% e autoveturave me km 0 janë elektrike, një tregues i rëndësishëm i tranzicionit drejt transportit të qëndrueshëm dhe reduktimit të ndotjes.
