Ministri i Financave, Petrit Malaj, dhe drejtori i përgjithshëm i Tatimeve, Ilir Binaj, mbajtën një konferencë për shtyp për zbatimin e Planit Sektorial të Ndërtimit dhe rezultatet e deritanishme.
Malaj theksoi se nisma e administratës tatimore synon ndërgjegjësimin e subjekteve të sektorëve kyç kundër informalitetit në paga, veçanërisht në turizëm dhe ndërtim.
Ai nënvizoi shkeljet e evidentuara në agjencitë imobiliare, si mungesa e transparencës së çmimeve, mosdeklarimi i pagave dhe moslëshimi i faturave tatimore.
Administrata tatimore ka dërguar mbi 13 mijë SMS ndërgjegjësuese në sektorin e ndërtimit, duke nxitur formalizimin e tregut të punës dhe deklarimin e xhirove.
Sipas ministrit, ka pasur rritje të numrit të punonjësve të paguar në fashat 700–1000 euro dhe mbi 120 mijë lekë, por disa subjekte ende nuk kanë reaguar dhe do të përfshihen në kontrolle të mëtejshme.
