Në tremujorin e tretë të vitit 2025, ekonomia e Shqipërias shënoi rritje reale të Produktit të Brendshëm Bruto prej 3,75% krahasuar me të njëjtën periudhë të vitit 2024.
Kontributin kryesor në këtë rritje e dhanë administrata publike, arsimi dhe shëndetësia, të ndjekura nga tregtia, transporti, akomodimi dhe shërbimi ushqimor, si dhe aktivitetet e pasurive të paluajtshme dhe ndërtimi.
Ndërkohë, sektorët e industrisë, energjisë dhe ujit, si edhe bujqësia, pyjet dhe peshkimi, patën ndikim negativ në rritjen ekonomike.
Në terma vjetorë, rritjet më të larta u shënuan në administratën publike, pasuritë e paluajtshme dhe informacionin e komunikacionin.
Taksat neto mbi produktet kontribuuan pozitivisht në zgjerimin e aktivitetit ekonomik.
Sipas të dhënave të përshtatura sezonalisht, PBB-ja u rrit me 1,09% krahasuar me tremujorin paraardhës.
Nga ana e shpenzimeve, konsumi i qeverisë, investimet dhe eksportet shënuan rritje të ndjeshme, ndërsa konsumi i popullatës u rrit me ritëm më të moderuar.
Importet u rritën gjithashtu, por më ngadalë se eksportet.
Mesatarja e rritjes ekonomike për nëntëmujorin e vitit 2025 vlerësohet në 3,73%, duke reflektuar një ecuri përgjithësisht pozitive të ekonomisë.
