Nga ky vit, familjet me fëmijë nën 18 vjeç do të përfitojnë lehtësira fiskale përmes zbritjes së shpenzimeve nga baza e tatueshme.
Njërit prej prindërve do t’i zbriten 48 mijë lekë në vit, të aplikuara gjatë plotësimit të Deklaratës së të Ardhurave Personale në mars.
Sipas Drejtoria e Përgjithshme e Tatimeve, përfitimi nuk jepet si shumë fikse, por realizohet përmes rillogaritjes së tatimit të paguar për vitin 2025.
Kjo skemë ul detyrimin tatimor vjetor, duke sjellë kursime konkrete për prindërit e punësuar.
Për familjet me të ardhura vjetore deri në 1.2 milionë lekë, parashikohen edhe zbritje deri në 100 mijë lekë për shpenzimet e arsimit të fëmijëve.
Në këtë rast, tatimi vjetor mund të ulet deri në 19 mijë lekë, duke lehtësuar barrën financiare të familjeve.
