Projektbuxheti i vitit 2026 për Republikën e Shqipërisë përcakton të ardhurat totale në 823 miliardë lekë dhe shpenzimet në rreth 887 miliardë lekë, duke krijuar një deficit prej 63.7 miliardë lekësh.
Buxheti përfshin buxhetin e shtetit, atë vendor dhe fondet speciale si sigurimet shoqërore, shëndetësore dhe kompensimet për ish-pronarët.
Buxheti i shtetit për vitin 2026 parashikon 581 miliardë lekë të ardhura dhe 644 miliardë lekë shpenzime.
Buxheti vendor arrin në 97.7 miliardë lekë, ku përfshihen transfertat e pakushtëzuara dhe të ardhurat e tjera të njësive vendore.
Fondi i sigurimeve shoqërore parashikohet në 195 miliardë lekë, ndërsa ai i sigurimeve suplementare në rreth 8.8 miliardë lekë.
Sigurimet shëndetësore kanë një buxhet prej 67.3 miliardë lekësh, ku rimbursimi i barnave nuk duhet të ndajë tavanin 13.5 miliardë lekë.
Për kompensimin e ish-pronarëve janë parashikuar 3.5 miliardë lekë.
Fondi i rindërtimit për pasojat e tërmetit të vitit 2019 është përcaktuar në 5 miliardë lekë dhe përdoret për projektet e pafinancuara dhe të rejat.
Të ardhurat tatimore për vitin 2026 arrijnë në 531 miliardë lekë, ndërsa deficiti financohet me huamarrje të brendshme dhe të jashtme.
Numri maksimal i punonjësve të administratës është 87 112 dhe strukturat nuk mund të rriten me kosto shtesë gjatë vitit 2026.
Gjithashtu, fondet rezervë dhe kontingjencat përdoren për nevoja emergjente dhe rreziqe të borxhit, sipas përcaktimeve të Këshillit të Ministrave. /MoneyTalks
