Qeveria ka vendosur të heqë mekanizmin e kontratave me 1 euro, një praktikë e kritikuar që ka lejuar dhënien e pronave publike strategjike me qira simbolike.
Drejtori i Agjencisë së Koncesioneve, Emiliano Gjika, njoftoi se projektligji i ri për koncesionet e shfuqizon këtë nen dhe vendos detyrime më të forta për transparencë.
Sipas ndryshimeve, çdo koncesion duhet të shoqërohet me studim fizibiliteti të miratuar nga Ministria e Financave dhe me publikimin e çmimit të ofertës, kritereve dhe katalogut përkatës.
Ministria e Financave thekson se ligji i ri synon rregulla të qarta për planifikimin, dhënien dhe mbikëqyrjen e kontratave, duke u mbështetur në parimet e transparencës dhe sigurisë juridike.
Projektligji harmonizohet me standardet e BE-së dhe forcon rolin mbikëqyrës të institucioneve si Ministria e Financave, APP dhe ATRAKO.
Koncesionet me 1 euro, të përdorura shpesh për pronat më të lakmuara, pritet të mos jenë më pjesë e praktikave të ardhshme.
