Një aleat i udhëheqësit të rrëzuar serb të Bosnjës, Milorad Dodik, eshte në rrugë të mbarë për të fituar zgjedhjet e parakohshme presidenciale të së dielës, pasi Dodik dha dorëheqjen sipas një marrëveshjeje me SHBA-në, sipas rezultateve paraprake.
Sinisa Karan, 63 vjeç, ish-ministër i brendshëm dhe anëtar i Aleancës së Social Demokratëve të Pavarur , partisë dominuese , mori rreth 50.3% të votave, tha të hënën komisioni qendror zgjedhor në Sarajevë, pasi u numëruan pothuajse të gjitha fletët e votimit.
Branko Blanusha, kandidati i Partisë Demokratike Serbe të opozitës kryesore, doli i dyti me 48.37%. Pjesëmarrja ishte rreth 35%.
Dodik pranoi të jepte dorëheqjen në tetor në këmbim të heqjes së sanksioneve amerikane ndaj tij, familjes dhe bashkëpunëtorëve të tij dhe bizneseve të tyre.
Ai mbetet kreu i partisë fituese, e njohur si SNSD.
“Kjo është një fitore e madhe për partinë tonë në këto rrethana”, u tha Dodik gazetarëve në Banja Luka të dielën.
“Pjesëmarrja e ulët tregon se njerëzit nuk i donin këto zgjedhje — ato iu imponuan atyre”, shtoi ai, duke iu referuar largimit të tij nga posti presidencial.
Rezultati i zgjedhjeve sugjeron vazhdimësi me politikat e ndjekura nga Dodik, i cili e konsideron Presidentin rus Vladimir Putin si aleat dhe ka kohë që ka shtyrë përpara shkëputjen e entitetit të tij nga Bosnje-Hercegovina.
